Tlawhtu

Tuesday, June 15, 2010

Thalaite leh tunlai khawvel


Mizoramin kan buaipui leh kan hlauh em em chu ‘lirnghing’ a ni. Lirnghingin a nuai na ramah chuan thihna leh chhiatna rapthlak a thleng thin. Mahse, hei aia hlauhawm zawk chu ‘nun nghing’ hi a ni. Tleirawl/rawlthar, kum 13-15 inkar nun a nghin laklawh tawh chuan siamthat a har em em a. Anmahni nunah damchhunga reh thei tawh lo tur ‘Ser’ insiamin, nih tur ang an ni pha lo a, an zirnain a tuar a, mahniah ‘inthiam lohna ruk’ neiin, an nun a inchawm a, a thente phei chu ‘mahni intihlum’ ta mai te pawh an awm fo a ni.
Kan fimkhurna tur thil tlem azawng thlirho ila.
1.    Tattoo :
Tattoo hi hun engemawti kalta atang khan thalaite’n intihchangkan nan intih tunlai nan chhut kan uar hle mai a. Amaherawhchu tattoo hi tunlai thil thar rawn chhuak ni lovin, hmanlai atanga an lo chin tawh a ni. Chung lo ching hmasate chu ringlo mi, ramhuai biate, Baal pathian bia te, thingbul lungbul be thinte, hringeite an ni tlangpui. Tin, heavy metal star te, biker te, gang rual te pawhin an ching nasa hle.
Anih chuti a nih si chuan keini’n kan lo chin ve ngawt hi a dik em? Kan Bible chuan “Do not cut your bodies for the dead of put tattoo marks on yourselves” (Leviticus 19:28) a ti. Chuvangin, Kristiante chuan Bible in ti lo tura min hrilh chu kan ti tur a ni lo ang.
2. Horoscope :
Tunlaia thalaite’n kan buaipui tak pakhat chu ‘Horoscope’ hi a ni. Horoscope hi dawithamna chikhat niin milem (ni, thla leh arsi) be tute’n an thlarau zawl atanga lo chhuak a ni. “Arsi zir mite, mifingte siam alawm” i ti maithei. Mahse, kan Bible chuan “A siamtu biak aiin a siama chu biain, a rawng an bawl ta zawk a” a ti. (Rom 1:25).
Chuti a nih si chuan arsi, ni leh thlate siamtu ‘Pathian chibai buk’ aiin a thil siam chibai lo bukna a lo ni reng a nih chu. Kan fimkhur a va pawimawh em! Keini chuan kan hmathlir (future) atan Horoscope aia ‘rintlak Pathian kan nei’ tih hi kan hre reng dawn nia.
3. Emo :
‘Emo’ tih tawngkam hi tunlaia band lar tak ‘Tokyo Hotel’ atanga kan uar thar niin a lang. A nihna takah chuan ‘Emo’ tih tawngkam hi ‘Hardcore punk’ music atanga rawn zichhuak niin, ‘Emo music’ hrim hrim hi D.C. Hardcore punk hunlai, Rites of Spirit band (America) atanga kum 1980 vel atanga rawn chhuak a ni a. ‘Emo’ tih hi ‘Emotive Hardcore’ emaw, ‘Emotion’ ti paw’n a sawi theih awm e.
Zirmite leh chikmite chuan “Emo ho chu mahni inlabing, mahnia zia inti nei hrang leh mahni hriselna aia incheina ngaipawimawhho” tiin an sawi a. ‘Emo’ haircut hi 2000 A.D. vel atanga rawn chhuak niin an incheinaah pawh tight jeans, T-shirt (music band lem chuang) leh converse pheikhawk te an uar hle a, ‘Emo boy’ leh ‘Emo girl’ te hian make-up an uar hle bawk.
Tunlai hian Emo style lo copy a inchei thalaite kan tam ta hle mai. An style lo copy a, ‘It’s my life’ lo tih ve ngawt hi Kristiante tih tur em ni dawn? I Kor. 6:19-20 ah chuan, “Mahni ta pawh in ni lo a, mana lei in ni asin..” a ti. Chuti a nih chuan ‘It’s my life’ ti ngam tur kan ni dawn em ni? Rom 12:1-2 ah chuan, “He khawvel dan ang hian awm suh ula..” a ti a. Chuti a nih chuan Kristiante tih a mawia kan inchei a tul a ni. Tunlaina hian thalaite hi min tlan khalh lo se, thalaite hian tunlaina hi i tlansan ang u.
4. Om sign :
Tunlaiin hetiang inziahna T-shirt tam tak a awm a, kan nulate zingah pawh hetiang awmna ha hi tam tak an awm a ni. Hei hi ‘Om pathian’ sign, Hindu ho pathian serh leh sang a nih avangin Kristiante chuan nalh hle mahse kan hak loh ngam a tul a ni.
5. Ganesh sign :
Hei pawh hi Hindu ho pathian sign a ni a, a bikin T-shirt ah hmuh tur a tam hle mai. Kan hak loh ngam a tul a ni.
6. Taoism :
Khawchhak sakhua, Taoism sign niin; thi, bengbeh, T-shirt ah tam tak a awm a, inbel lo ngam Kristian thalai i ni ngam ang u.
7. Neronic cross/Nero cross :
He symbol hi kum 2000 kal liamta ah khan Kristiante huatna chhinchhiahnan an hmang a. Thi, bengbeh, T-shirt, toys, wallet, calendar, kawnghren, etc. ah te a chuang thluah mai a. Anti-Christ (Isua dodaltute) sign a nih avangin Kristiante chuan kan inbel lo mai ni lovin, kan haw ngam tur a ni.
Tlangkawmna :
Tam tak sawi tur a awm, kan sawi seng lo. Mahse, khan kan sawi tlem azawngte kha kan tih loh ngam a, kan zawm phawt chuan kan nunah ‘lei rem’ kan rah phah thei dawn a ni. ‘Hetiang sign, a ho lutuk’ i lo ti palh ang e.
Dr. Rebecca Brown chuan, “Sual luh theihna, keimahnia awm zawng zawng hi kan dang ngam tur a ni,” a ti. Sualin a zuam ngam thawmhnaw i inbel fo emaw, Kristiante tih a mawi ni lo zawnga i nun i hmang a nih chuan ‘lo inchik reng rawh’.
Kan thanlen chhoh zelnaah hian sual lam kan awn tlat zel zuk nia. Chuvangin, ‘Engpawh ni se, in awm dan chu Krista chanchintha nen inmil phawt rawh se’ (Philipi 1:27-28).

11 comments:

  1. Nia... tattoo hi chu a tha lo. :)

    ReplyDelete
  2. emo........hi ka ngei top.ka hua. atha leuh......

    ReplyDelete
  3. POst tha e. Bible chang inhmeh tak tak i dah chhuak bawka, a tha hle mai.

    Music, ruihlo, media, sex,leh fashion hmang hian setana hian tan a la nasa khawp mai. Hun hnuhnung a ni tawh a, hun a nei tlem a ni tih a inhriat ve avangin a ei theih turin zawngin a phi ruai tawh anih hi.

    Kristian thalaite u, nu leh pa te u, pi leh pu te u, naupang te u.... i fimkhur ang u.

    ReplyDelete
  4. kan awm dan ah kan mizia a lang, kei chu horoscope ka en ve ziah a, ka ril rem zawng chauh ka ring a, a dang zawng chu ka hre zawm ngai lo... after all i am the captain of my soul and the master of my fate.. hui ha... nuam thin.. mut tui, chaw ei tui ..leh thil tih chi deuh pakhat Good S...lo tem ve la, khawvel tawp thuai tur leh tur lovah i buai lo mai ang

    ReplyDelete
  5. Tha hle mai a.... ka thalai pui te chhiar a tan ka awt hle mai.

    ReplyDelete
  6. Anmahni nunah damchhunga reh thei tawh lo tur ‘Sex’ insiamin, nih tur ang an ni pha lo a,.. khi ta 'Sex' i tih khi 'Ser' tih tur a ni em te ka ti ve mai mai a.

    A bengvar thlak hle mai a.. Thalai tam zawk chhiar atan a thra hle mai.

    ReplyDelete
  7. Sandman-a sawi fo angin mipa in hmuihmul pawh zuah tur! Bible in a ti.

    Watch Video: Can a Christian get a Tattoo?
    http://samaw.com/watch-video-can-a-christian-get-a-tattoo/3183

    ReplyDelete
  8. "kan nulate zingah pawh hetiang awmna ha hi tam tak an awm a ni"

    Nula te chauh i hmer hi Gender discrimination
    ka ti :-)

    ReplyDelete
  9. Dik lutuk>>>Xiak tha thawk mai Emo... Amo EEE MMMo tihvel HO ltk

    ReplyDelete
  10. @Anonymous, 'Ser' tih tur chu a ni ngei e.. Ka siamtha nghal e. Thanks..

    @Benjamin, nula lam hian hetiang thil vel hi an uar duh deuh bik em alawm mawle.. :-)

    ReplyDelete