Tlawhtu

Tuesday, June 21, 2011

Puitlingte tana naupang thusawmpek

1. Ka kut hi a te a. Khum ka siamin emaw, milem ka ziah emaw pawhin duhthusam ni turin beisei suh la. Dawhthei takin thil min tihpui thin ang che.

2. Ka mit a la fing tawk lo a, i hmuh ang khan thil ka la hmu ve thei lo a. Ka duh thlirkual theiin min siam la, a tul loah min khuahkhirh suh ang che.
 
3. Inchhungah tih tur chu a awm reng dawn a. Vawikhatah tlemte bak ka la ti thei lo a. Inpe takin thil nihphung hi chiang takin min hrilh thin ang che.
 
4. Ka rilru a la no a, ka duhnate min hriatsak thin la. Engtiklai pawhin min tur reng lo la, nangmah enkawl i duh ang bawkin min enkawl ang che.
 
5. Pathian thilpek hlu tak ka ni a, min roh viau la, duat takin min enkawl ang che.
 
6. Ka thanlen zelnaah i fakna leh i fuihna ka mamawh reng a. Min sawiselna ringawt zawng loin, ka tangkaipui tur min ngaihtuahsak thin ang che.
 
7. Keima thilah thutlukna siam thei turin zalenna min pe la, ka insiamthat theih nan hlawhchham min phalsak ang che.
 
8. Engkim min tihsak tum lo la, i mit tlunga ka ti lo a nih pawhin dawh hram hram la. Ka unau dangte nen min khaikhin fo suh ang che.
 
9. Hmundanga min zinsan hreh lo la, i awm loh changa inenkawl zirna hun tha min siamsak zawk a ni tih hria ang che.
 
10. Biak inah min hruai ngun hle la, ka tana entawn tlakin awm fo ang che.

10 comments:

  1. A va tha hlawm ve aw.. Nu leh pate tana fa enkawl dan tur a langchiang khawp mai.

    ReplyDelete
  2. A tha hle mai. Ka chhiar zawngin ka fate ka mitthla ah an rawn lang uarh uarh mai a lawm mawle.

    Nu leh pate hian fate enkawl hi kan thiam tawk lo fo, an rilru mil tawk leh phak tawk hi kan hriatthiampui a tul khawp mai.

    Ka print chhuak anga chhiar fo atan bangah ka tar ang (rem i tih chuan)

    ReplyDelete
  3. @TS Khupchong, i ti lawmawm khawp mai..
    @triplestar, remti tehreng mai.. Min lo hlutsak ve avangin ka lawm e...

    ReplyDelete
  4. A tha hle mai, he thil ka chhiar chiah hian, naupang ka en dan leh ka ngaihdan a dang ta daih mai. Fa ka la nei loa, nu leh paten, naupang laka kan beisei hi a sang lutuk thin a ka hriat chu le. Naute, naute tak tak keimahni rilru zawlpuia kan en chuan a dik dawn tlat lo mai,(a then chuan kan en niin ka hria) good post.

    ReplyDelete
  5. @Hmelthatea, min fak derna hi a tak tak emaw ka ti mai ang tih pawh a hlauhawm alawm le... Ka lo hawisang ve ringawt palh mai ang a.. Thanks.

    ReplyDelete
  6. Thu tha, chhiar tlak tak tak i Blog ah hian ilo phum teuha.....duhsakna ka hlan a che. Mi i bihchian chuan min la hre rei ruai ang..

    ReplyDelete
  7. @Sena, i ti lawmawm hle mai.. Ka bihchiang viau che a, ka chiang ngam tlat lo... Keini ang tar tawh lam chu "a thling baw hawk" khawpa tih deuh zel a ngai tawh a.. Han insawi chiang chhin teh.. Ka bo riau ania...

    ReplyDelete
  8. haha, nie, a ruh lang rawt a, sawi hian beng a kuai meuh tawh lo, a thling baw hawk a tih hi a ngai tawh a nia,... haha, Pu TK, i blog chunga Web counter dah khi ka tum vea, ka thiam der lo mai, ka duh ve riau asin le, khawngaiha min hrilh theih chuan ka lawm viau ang,..

    ReplyDelete
  9. @Hmelthatea, ka sawifiah thiam chiah bik lo a.. Settings atang khan ania.. Ka lo enchiang leh ang a, ka hrilh dawn che nia...

    ReplyDelete
  10. a tha thei khop mai...a tha thei khop mai...

    ReplyDelete