Tlawhtu

Wednesday, July 6, 2011

I thin a rim a nih chuan.......

Mi zawng zawng hian kan nun hman chhoh ah mil loh zawng leh nin riau kan tawng theuh a. Kan thian kawm thin emaw, kan thawhpui emaw, kan chhungte emaw pawh an ni maithei.
Kan duh emaw, duh lo emaw, hetiang mi hi kan kalsan thei tak tak dawn chuang lo a, chuvangin keimahni lam insiamrem thiam a pawimawh tihna a ni.
Ngaithlatu ni rawh:
Mi inkara buaina intan chhan tam zawk chu ngaihdan inan loh vang a ni a. Hetianga buaina a thlen tawh chuan insawithiam a ngai nasa thin a. Heng zawng zawng pumpelhna tha ber chu mi hnialtu leh thil sawitu bera tan tum loin, a ngaithlatu nih tam hi a ni.
Ngaihsak lo lui rawh:
Midang thiltih emaw, an khawsak dan emaw ngaihtuah duh miah loh hi a tha khawp mai a. Kan nin deuh te kan theihnghilh phah hauh dawn lo a, mahse a ziaawm ve duh hle.
Miin an rawn zarbuai sek che a, inhnial buai emaw, intihbuai emaw i duh lo a nih chuan ngaihsak duh tlat lo la, buai leh zelna tur a pumpelh ve theih a ni.
Tlang takin sawi thin rawh:
I nin em emte kha tlang takin thil hrilh thin la, an nungchanga i duh loh zawng te, an thil tih thin dan tha i tih lohte kha thu pehhel lem loin hrilh pawp zel la, engemaw chen chu a ziaawm phah thei.
Insum hram rawh:
I thawhpui emaw, i thian emaw, i laina hnai emaw, i nin em em thin kha han inhnialpui deuh rap rap chak chang i ngah ang. Mahse, insum hram hram la, dam dapa awm zel tum ang che. I thin a rim dawn chuan an lak atangin inthiarfihlim daih la, i thinrim a reh hunah chauh titipui leh thin ang che.

10 comments:

  1. van ziak tha roh e... a dik khawp mai!

    ReplyDelete
  2. A dikin a tha hlawm khawp mai, keipawh a hma kha chuan thinchhe ve tak ka ni thin a, tunah erawh zawng insawitheihna nilo se, ka dang ta hle mai. Dale Carniage-a ziah, 'How to win friends and influence People' tih lehkhabu ka chhiar atang khan, ka nun hi hmuh theihin min her danglam sak dawrh thei nia. He thu i post atang pawh hian tu emaw tal chuan an chhawrtangkai puiin an nunah ah an sengluh ka ring khawp mai. A tha lutuk. Midang thu sawi ngaihthlak hi, thinrim leh kan tui lohna thil nimahse, hmuh theihin a lang chiang thin, a result. Lo ziak zel teh khai,..

    ReplyDelete
  3. @Maisek, i tilawmawm lutuk e...
    @Hmelthatea, keipawh zaidam hi theihtawpin ka zir ve nasa a. Tum phawt chuan a lo theih khawp mai tih hi keimahah chuan a chiang..

    ReplyDelete
  4. tha e. ngaia neih a awl ang em le

    ReplyDelete
  5. thinrim ula, sual erawh chu sual suh u tiin Bible ah pawh a awm a, thin hi chu rim thei a nia, amaherawhchu, chumi in a nghawng theih thil tha lo laka in ven erawh a tul thung. Zaidam zir a tha, chutih rualin mahni inthunun theih hi a tul hle.

    ReplyDelete
  6. A tha hle mai he post chu. I blog ah hian lo len luh ve fo tur anih hi.

    ReplyDelete
  7. heihi ani maw BLOG an lo tih chu

    ReplyDelete
  8. @Varte, a dik chiah.. Thinchhia kan tih tam tak pawh hi mahni inthunun thei lo emaw, tum lo emaw an ni duh viauin ka hria.

    @Sangpuiipa, i ti lawmawm lutuk e. Rawn lenglut fo teh khai...

    @troxx, a ni maithei.. An sawi thin nen khan inanna riau chu neiin ka hria.. haha...

    ReplyDelete
  9. nia hetiag te te hi a poimoh khop mai..tin mi chunga kn lugoi lo anh cun tlang taka soi hi a tha mai..inbiak duh loh vel ai cuannia hetiag te te hi a poimoh khop mai..tin mi chunga kn lugoi lo anh cun tlang taka soi hi a tha mai..inbiak duh loh vel ai cuan

    ReplyDelete
  10. Ka thin hi a chhe phian a, ka ri leh phat mai thin a, ka rilru nilemlo te pawh hi han thinrim chuan sawi mai a awl,pate thin thawk an tih ang hi ka nei nasa niberin ka hria..inzir ka ngai nasa ani.Post tha tak ani.

    ReplyDelete